ایران کے خلاف امریکی کاروائی کی دھمکی Threat of US action against Iran

Threat of US action against Iran.

ایران کے خلاف امریکی کاروائی کی دھمکی۔

امریکی کے وزیر خارجہ مائیک پومپیو نے ایران پر عالمی ایٹمی تونائی ایجنسی کے ساتھ تعاون نہ کرنے کا الزام لگایا ہے ۔ تاکہ  بین الاقوامی برادری کو اس کے خلاف کارروائی کے لیے تیار کر سکے۔ انہوں نے کہا کہ  اگر عالمی برادری نے ساتھ نہ دیا تو امریکہ تنہا ایسا کرنے کی صلاحیت رکھتا ہے ۔ انسداد دہشت گردی کے کوآرڈی نیٹر نیتھن سیلز کے ساتھ پریس کانفرنس سے خطاب کرتے ہوئے مائیک پومپیو نے کہا کہ

"آئی اے ای اے نے ایک قرارداد منظور کی ہے جس میں ایران سے مطالبہ کیا گیا ہے کہ وہ اس کے معائنہ کاروں کو معلومات اور رسائی فراہم کرے ایران کا ممکنہ غیر ظاہر کردہ جوہری مواد اور اپنی سرگرمیوں کے بارے میں تحقیقات میں تعاون سے انکار سے سنگین خدشات پیدا ہوئے ہیں کہ وہ کیا چھپانے کی کوشش کررہا ہے اگر ایران اپنی ذمے داریاں نبھانے میں ناکام رہا تو بین الاقوامی برادری کو مزید کارروائی کے لیے تیار ہونا پڑے گا"۔

 

امریکی وزیر خارجہ نے کہا کہ ایران پر اسلحہ حاصل کرنے کی پابندی اکتوبر میں ختم ہورہی ہے جس کے بعد وہ دہشت گردی کے لیے اسلحہ خریدنے کے قابل ہوگا امریکہ سلامتی کونسل میں اس کے خلاف قرارداد پیش کررہا ہے لیکن اگر عالمی برادری نے ساتھ نہ دیا تو یاد رہے کہ اوباما دور میں امریکہ کہہ چکا ہے کہ ہم تنہا کارروائی کرنے کے قابل ہیں۔

 ایک صحافی نے نیتھن سیلز سے سوال کیا :

کہ دہشت گردی سے متعلق محکمہ خارجہ کی رپورٹ میں 109 بار ایران کا ذکر کیا گیا ہے کیا وہ دنیا بھر میں دہشت گردی کا سب سے بڑا خطرہ ہے؟ اور اس رپورٹ میں ایران اور القاعدہ میں تعلق کی بات کی گئی ہے آپ کے پاس اس بات کے کیا شواہد ہیں کہ ایران القاعدہ کی مدد کررہا ہے یا اس کے ارکان کو پناہ دے رہا ہے؟

جس پر نیتھن سیلز نے کہا کہ دہشت گردی کے خطرات کی درجہ بندی کرنا مشکل ہے ہم تمام خطرات کو سنجیدگی سے دیکھتے ہیں چاہے داعش ہو، القاعدہ یا ایران خصوصی تشویش ایران کے بارے میں اس لیے ہے کہ وہ ایک ریاست ہے اور اس کے پاس ریاستی صلاحیتیں اور وسائل ہیں اس لیے اس کی جانب سے خطرات زیادہ سنگین ہوجاتے ہیں.

ایران کے بحری جہازوں کے پانچ کپتانوں پر پابندی۔

مائیک پومپیو نے کہا کہ محکمہ خارجہ نے داعش کے نئے سربراہ کی معلومات دینے پر انعام ایک کروڑ ڈالر تک بڑھادیا ہے. امریکی وزیر خارجہ نے وینزویلا کے بارے میں کہا کہ وہاں مادورو حکومت کی بدانتظامی کی وجہ سے دنیا میں تیل کا بڑا برآمد کنندہ ایران سے تیل درآمد کرنے پر مجبور ہوگیا ہے آج امریکہ نے ایران کے بحری جہازوں کے پانچ کپتانوں پر پابندی لگادی ہے جنہوں نے 15 لاکھ بیرل تیل وینزویلا کی غیر قانونی حکومت کو پہنچایا ہے ان کپتانوں کے اثاثے منجمد کیے جائیں گے اور وہ امریکی پانیوں میں نہیں آسکیں گے ایران اور وینزویلا کے ساتھ کام کرنے والی شپنگ کمپنیوں کو نتائج بھگتنا پڑیں گے۔

مائیک پومپیو نے کہا کہ وہ یورپی دوستوں سمیت دنیا بھر کے ممالک کے ساتھ رابطے میں ہیں کہ بین الاقوامی سفر کو محفوظ طریقے سے کیسے بحال کیا جائے؟ یہ بات امریکہ اور یورپ دونوں کے لیے بہت اہم ہے کہ ایک دوسرے سے دوبارہ جڑ جائیں. میرا خیال ہے کہ دونوں جانب اس کی اہمیت کا احساس ہے ہم ایسا ممکن بنانے کے لیے درست وقت، درست طریقے اور درست انداز کا انتخاب کریں گے ہم نہیں چاہتے کہ اس سے امریکہ یا کسی اور مقام پر خطرات پیدا ہوں.

نیتھن سیلز نے بتایا کہ امریکہ اور اس کے اتحادیوں نے گزشتہ سال دہشت گرد تنظیموں کے خلاف کیا کارروائیاں کیں، جن میں عراق اور شام میں داعش کی نام نہاد خلافت کا خاتمہ شامل تھا‘انہوں نے کہا کہ طالبان کے ساتھ مذاکرات میں امریکہ توقع کرتا ہے کہ چند خاص شرائط ضرور پوری کی جائیں گی امریکہ نے افغانستان میں فوج کی تعداد سے متعلق اپنا وعدہ پورا کیا ہے اور اب طالبان سے توقع ہے کہ وہ تمام دہشت گرد تنظیموں سے اپنے تعلق ختم کریں گے امریکہ چاہتا ہے کہ افغانستان اپنی سرزمین کبھی دہشت گردوں کی سرگرمیوں کے لیے استعمال نہ ہونے دے اور مستقبل میں کبھی امریکی سرزمین، بیرون ملک امریکی شہریوں، اتحادیوں اور مفادات کے خلاف کوئی سرگرمی نہ ہو.

نیتھن سیلز نے سفید فام نسل پرستوں کا خاص طور پر ذکر کیا اور کہا کہ امریکہ ان کے خلاف انسداد دہشت گردی کا وہی طریقہ کار استعمال کررہا ہے جیسا القاعدہ اور داعش جیسی اسلام کا نام لینے والی دہشت گرد تنظیموں کے خلاف کرتا ہے. خیال رہے کہ ٹرمپ انتظامیہ ایران کی توانائی کی تجارت کو روکنا چاہتی ہے اور دوسری طرف وینزویلا میں نکولس مدورو کو صدارت سے ہٹانے کی کوششوں میں مصروف ہے امریکا نے ایران اور وینزویلا سے مخاصمت کے باعث بندرگاہوں، شپنگ کمپنیوں اور ان سے منسلک دیگر اداروں کو ان سے تجارت کرنے سے خبردار کردیا ہے.

کورونا وائرس کی وبا دنیا بھر کے ممالک میں پھیلنے کے نتیجے میں تیل برآمد کرنے والے ممالک کو نقصان کا سامنا ہے اور برآمدات میں گزشتہ 70 سال میں بدترین کمی واقع ہوئی ہے وینزویلا کے صدر نے ملک کی ضروریات کو پورا کرنے کے لیے ایران سے تیل درآمد کیا جس کے نتیجے میں امریکی صدر ڈونلڈ ٹرمپ کی انتظامیہ کو یہ فیصلہ ناگوار گزرا. ایران نے وینزویلا کے لیے رواں برس اپریل سے اب تک 5 ٹینکر بھیجے ہیں اور مدورو کی حکومت کو تقریباً 15 لاکھ بیرل تیل حاصل ہوا، لیکن ایران کو نئی پابندیوں کا بھی سامنا کرنا پڑا یاد رہے کہ امریکا نے رواں برس مارچ میں ایران پر مزید اقتصادی پابندیاں عائد کی تھیں اور 5 جوہری سائنس دانوں پر پابندی لگانے کا اعلان کیا تھا.

امریکا کا  9 اداروں کے ساتھ ساتھ 3 ایرانی افراد کو بلیک لسٹ۔

مائیک پومپیو نے صحافیوں سے بات چیت کرتے ہوئے کہا تھا کہ امریکا، تہران کی تیل برآمد کرنے کی صلاحیت کو ختم کرنے کے لیے مسلسل دباو جاری رکھے گا ان کا کہنا تھا کہ امریکا، ایرانی پیٹرو کیمیکلز کی تجارت کرنے والے جنوبی افریقہ، ہانگ کانگ اور چین میں قائم 9 اداروں کے ساتھ ساتھ 3 ایرانی افراد کو بلیک لسٹ کر رہا ہے. امریکا کے صدر ڈونلڈ ٹرمپ نے ایران کے ساتھ جوہری معاہدے 2015 کو منسوخ کردیا تھا جس کا مقصد خطے میں ایران کو اپنی سرگرمیوں کو محدود کرنے اور میزائل پروگرام سے دستبرداری تھا.