Bollywood actor Sushant Singh Rajput has committed suicide. بالی وڈ اداکار سوشانت سنگھ راجپوت نے خودکشی کر لی.

Bollywood actor Sushant Singh Rajput has committed suicide.

 بالی ووڈ نے ایک اور اداکار کو کھو دیا ہے.

بالی وڈ اداکار سوشانت سنگھ راجپوت نے خودکشی کر لی.

سوشانت سنگھ راجپوت نے 2013 میں فلمی کیریئر کا آغاز کیا تھا، انہوں نے اب تک محض ایک درجن فلموں میں ہی کام کیا تھ

بالی وڈ کے نوجوان اداکار سوشانت سنگھ راجپوت گھر میں مردہ پائے گئے ہیں . ان کی لاش ممبئی کے علاقے باندرہ میں واقع ان کے گھر سےملی ہے اور اطلاعات کے مطابق انھوں نے خودکشی کی ہے . صحافی مدھو پال کے مطابق اس واقعے کے بارے میں سوشانت سنگھ راجپوت کے نوکر نے پولیس کو اطلاع دی اور خودکشی کی وجہ ابھی واضح نہیں ہے۔

 وہ 21 اگست سنہ 1986 کو انڈیا کی شمالی ریاست بہار کے شہر پٹنہ میں پیدا ہوئے اور ممبئی میں اکیلے رہتے تھے۔ سوشانت نے انجینئرنگ کی تعلیم مکمل کرنے کے بعد اپنے خواب کی تکمیل کے لیے فلمی دنیا کا رخ کیا تھا۔ابتدا میں انھوں نے بیک اپ ڈانسر کے طور پر کام کیا۔ اس کے بعد 'کس دیس میں ہے میرا دل' نامی ایک ٹی وی سیریئل میں کام کیا۔ پھر ٹی وی سیریل 'پوتر رشتہ' نے ان کی مقبولیت کو گھر گھر پہنچا دیا۔

انھوں نے ڈانس شو جھلک دکھلا جا میں بھی شرکت کی جس کے بعد انھیں فلموں میں بریک ملا اور کائی پو چے میں ایک اہم کردار نبھایا۔سوشانت راجپوت نے حالیہ برسوں میں کئی اہم فلموں میں کام کیا جن میں انڈیا کے سابق کرکٹ کپتان مہندر سنگھ دھونی کی زندگی پر مبنی فلم بھی شامل ہے۔

ان کی اہم فلموں میں 'ڈٹیکٹو بیومکیش بخشی'، 'ایم ایس دھونی: دی ان ٹولڈ سٹوری'، ’کیدار ناتھ‘، 'کائی پوچے'، اور 'چھچھورے' جیسی فلمیں شامل ہیں۔اس کے علاوہ عامر خان کی فلم ’پی کے‘ میں انھوں نے پاکستانی لڑکے سرفراز کا کردار نبھایا تھا جو سرحد کے دونوں جانب بہت مقبول ہوا تھا۔

'ایم ایس دھونی: دی ان ٹولڈ سٹوری' کے لیے انھیں فلم فیئر ایوارڈز میں بہترین اداکار کے لیے نامزد بھی کیا گيا تھا۔سائنس گلپ پر ان کی فلم 'چندا ماما دور کے' آنے والی تھی لیکن بجٹ کی کمی کے سبب اس کی شوٹنگ فی الحال روک دی گئی تھی۔

بالی وڈ اداکاروں نے ان کی خودکشی پر گہرے رنج و غم کا اظہار کیا ہے

سنجے دت، انیل کمبلے، شیکھر دھون، وویک اوبرائے سبھی نے تعزیتی پیغام پوسٹ کیا ہے اور سوشانت کی خودکشی کی خبر پر افسوس کا اظہار کیا ہے۔

رتیش دیش مکھ نے اپنے پیغام میں کہا کہ انھیں اس خبر پر یقین ہی نہیں آ رہی ہے۔

 واضح رہے کہ رواں ماہ کے شروع میں ا موسیقار و اداکار واجد علی 43 سال کی عمر میں کورونا کی وجہ سے انتقال کر گئے- جبکہ مئی کے آخر میں دو سینئیر اداکار رشی کپور اور عرفان خان بھی چل بسے تھے-