معروف ٹی وی اینکر طارق عزیز انتقال کر گئے. Leading TV anchor Tariq Aziz has passed away

Leading TV anchor Tariq Aziz has passed away

معروف ٹی وی اینکر طارق عزیز انتقال کر گئے

پاکستان ٹی وی کے سب سے  پہلے نیوز کاسٹر اینکر  اور مشہور پروگرام نیلام گھر جو بعد میں طارق عزیز کے نام سے موسوم کر دیا گیا،  کے بانی طارق عزیز اس دنیا سے فانی دنیا سے رخصت ہو گئے۔

انہوں نے اپنے کیرئر کا آغاز ریڈیو پاکستان سے کیا اور پی ٹی وی کے آغاز پر وہ نہ صرف اس کے اولین اینکر بنے بلکہ بزم طارق عزیز، نیلام گھر اور طارق عزیز شو کے نام سے ان کا پروگرام چار دہائیوں تک پی ٹی وی کا سب سے معروف پروگرام رہا۔

طارق عزیز کو ادبی خدمات کے اعتراف میں انیس سو بانوے میں پرائڈ آف پرفارمنس سے نوازا گیا۔

طارق عزیز ایک ادیب، شاعر اور سیاست دان بھی تھے۔

وہ انیس سو ستانوے میں مسلم لیگ (ن) کے ٹکٹ پر رکن قومی اسمبلی منتخب ہوئے،انیس سو ننانوے میں مسلم لیگ نون کی حکومت ختم ہوئی تو طارق عزیز نے مسلم لیگ (ق) میں شمولیت اختیارکی،تاہم انہوں نے سیاست سے کنارہ کشی اختیار کرکے دوبارہ ٹی وی کا رخ کیا۔

طارق عزیز نے فلم انڈسٹری میں بھی کام کیا،1967 میں انہوں نے اپنے وقت کے سپراسٹار وحید مراد اور زیبا کے ہمراہ فلم انسانیت میں کام کیا جبکہ ان کی فلم سالگرہ سینما سکرین پر سپر ہٹ رہی، وہ ایک طرف اپنا ٹی وی پروگرام کرتے تھے، دوسری طرف مشاعروں کی رونق بڑھاتے تھے اور اس کے ساتھ فلاح انسانیت کے لئے بھی مختلف سرگرمیاں منعقد کرتے رہتے تھے۔

28 اپریل 1936 کو مشرقی پنجاب کے ضلع جالندھر میں پیدا ہوئے تھے۔ انہوں نے ساہیوال میں اپنی ابتدائی تعلیم حاصل کی اور ریڈیو پاکستان لاہور سے اپنی پیشہ ورانہ زندگی کا آغاز کیا تھا۔